KhebesoneKhebesone ke eng?
What is Khebesone?
Sesotho sa Leboa
Na Khebesone podcast ke eng? Mo nakong ye, bjalo ka Maaforika, re ipotša le go botša batho ba bangwe le lefase gore rena re lokologile … re batho ba temokrasi. Potšišo ke gore na ka nnete re lokologile? Ge e le gore ka nnete re lokologile, na re lokologile go eng? Go lekala la ditaba le tshedimošo, le ge ka palo Maaforika re bopa bogolo bja setšhaba sa Limpopo le sa Aforika Borwa, mantšu a Maaforika ga a kwagale … re homotše kudu! Le ge palo ya batho bao ba ipitšago Basotho ba Leboa / Bapedi e feta 5 milione, re lebeletše setiši se tee feela se segolo sa ditaba, tshedimošo le dipoledišano seo se gašago ditaba ka leleme la rena – Thobela FM. Batho ba go feta 5 milione, ba lebeletše setiši se tee feela go humana ditaba, tshedimošo le boithabišo? Ka papetšo, re dikologilwe ke ditiši tša diyalemoya tša go feta lesome tšeo di phatlalatšago ditaba, tshedimošo le dipoledišano ka leleme la Seisimane mola palo ya baboledi ba leleme la Seisimane e sa tlale le ge e ka ba seatla. Ditiši tše di ikgantšha ka go re di theeletšwa ke diketekete goba dimilione tša batho. Profenseng yeo baboledi ba Seisimane ba sa tlalego seatla, na ditiši tše di theeletšwa le go thekgwa ke bomang? Ke Seisimane ka mo … Seisimane ka mola … Seisimane gohle fao batho ba yago! Khebesone ke sefala goba lepatlelo leo go lona, ka boitshepo le ka boikgantšho, go bolelwago Sesotho sa Leboa / Sepedi feela… lepatlelo leo go lona Sekgowa goba Seisimane se sa nyakegego le gatee.
English
What is the Khebesone podcast? At this time, like Africans, we ask ourselves and tell others and the world that we are free… we are a democracy. The question is: are we truly free? If we are truly free, what are we free to do? When it comes to news and information, even though by numbers we form the bulk of the population of Limpopo and South Africa, African voices are not heard… we are silenced! Though the number of people who identify as Basotho ba Leboa / Bapedi exceeds 5 million, we rely on only one major station for news, information, and dialogue in our language — Thobela FM. Over 5 million people rely on a single station for news, information, and entertainment? By contrast, we are surrounded by more than ten radio stations broadcasting news, information, and dialogue in English, while the number of English speakers does not even fill a hand. These stations boast of being listened to by thousands or millions. In a province where English speakers don't fill a hand, who listens to and supports these stations? It is English here… English there… English everywhere people go! Khebesone is a platform or space where, with dignity and pride, only Sesotho sa Leboa / Sepedi is spoken… a space where English is not needed even once.
Sesotho sa Leboa
Khebesone ke kgašokgatišwa (podcast) yeo e gašago ditaba tša yona ka leleme la Sesotho sa Leboa / Sepedi. Nepokgolo ya kgašokgatišwa ye ke go fa baboledi ba leleme le lentšu ka go bopa, go tšweletša le go phatlalatša ditaba le tshedimošo, thuto goba tsebo le boithabišo ka leleme leo magagaborena a le bolelago ge a dutše ka dibešong a itišitše … a iketlile. Khebesone ke lefelo la go gotša mollo wa dikgong, dišu, mekgokgothi le dibešwa tše dingwe wo o tlišago borutho le lethabo malapeng. Ka lehlakoreng le lengwe, sebešo ke lefelo la kalafo leo muši o hlatswago le go alafa mahlo ka go a ntšha megokgo le malwetši. Sebešong ke lefelo leo go lona dijo di apewago gore go tle go lewe. Khebesone ke lefelo la kopano fao bakgekolo le bakgalabje, banna le basadi gammogo le bana ba kopanago le go boledišana go lona. Khebesone ke lefelo la go rutana, go bontšhana, go eletšana le go abelana dišhišinyo, tsebo, dikgopolo, boitemogelo, bohlale le ditlhologelo tša bophelo. Sebešong ke lefelo la go kgalemana, go solana, go eletšana le go agana … lefelo la go segišana, go llišana, go homotšana le go thekgana.
English
Khebesone is a podcast that broadcasts its news in the Northern Sotho / Sepedi language. The purpose of this podcast is to give speakers of the language a voice, to produce and broadcast news, information, education or knowledge, and entertainment in the language that our people speak while sitting by the fire… at ease. Khebesone is a place where the fire of wood, ash, embers, and other fuels is kindled, bringing warmth and joy to homes. On the other hand, the hearth is a place of healing where soot is washed and eyes are treated, removing dirt and disease. The hearth is a place where food is cooked so that people may eat. Khebesone is a gathering place where elders, men and women together with children meet and converse. Khebesone is a place of learning, of showing one another, of advising and sharing thoughts, knowledge, ideas, experience, wisdom, and perspectives on life. At the hearth, it is a place of comforting, consoling, advising, and building… a place of joking, crying, encouraging, and supporting.
Sesotho sa Leboa
Le ge šedi ya yona e lebešitšwe baswa, bao ba bopago karolo e kgolo ya setšhaba sa gaborena, batho ba bagolo le bana ba mengwaga ya tlasana le bona ba na le dintši tšeo ba kago di topa go Khebesone. Gabotse Khebesone ke kgašokgatišwa ya lapa ka moka yeo e nepilego go tšweletša kabelano ya tshedimošo, ditaba, dikgopolo, bohlale le dipoledišano magareng ga rena. Bjalo ka kgašokgatišwa ya malapa, batho ba ka letela go kwa mantšu a go faafapaba – banna le basadi, bakgalabje le bakgekolo, makgarebe le masogana le baswa ba mengwaga ya go fetafetana … mantšu a setšhaba. Bjalo ka baboledi ba leleme la segagaborena, ka moka ga rena re na le boikarabelo bja go aga, go godiša, go phagamiša le go hlabolla leleme le la gaborena. Ge batho ba aga, ba godiša, ba phagamiša, ba hlanolla le go matlafatša maleme a gabobona, ga se maleme feela a oba a dirago bjalo eupša batho bao bonabeng ba a ikaga, ba a iphagamiša, ba a itlhabolla, ba a iphagamiša le go itlhabolla gammogo le ditšhaba tša gabobona tšeo di bolelago leleme leo.
English
Though its content is aimed at the youth, who make up the majority of our nation, adults and children too have much to learn at Khebesone. Indeed, Khebesone is a family podcast designed to share information, news, ideas, wisdom, and dialogue among us. As a family podcast, people can expect to hear voices from all walks of life — men and women, elders, maidens and young men, and youth of all ages… the voice of the nation. As speakers of our language, we all bear the responsibility to build, grow, elevate, and develop our language. When people build, grow, elevate, and empower their languages, it is not only the languages that benefit — the people themselves are built, elevated, and empowered, together with the nations that speak those languages.
Sesotho sa Leboa
Sehlopha sa Khebesone se dumela gore batho ke bona maleme a bona. Batho le maleme a bona a letswele, ga se dilo tše pedi tšeo di aroganego eupša ke selo se tee seo se kgomoganego. Maleme a phela ka gare ga batho gomme ke batho bao ba fago maleme bophelo ka go a bolela. Ka lehlakoreng le lengwe, maleme a fa batho bao ba a bolelago boitsebo bja gore na ke bona bomang … ke bona Basotho ba Leboa / Bapedi, Mazulu, Batswana, bjbj. Batho ke bona maleme a letswele ao ba a bolelago … nna, wena le rena ka moka ke rena beng ba maleme a rena a letswele.
English
The Khebesone team believes that people are their languages. People and their living languages are not two separate things but one connected thing. Languages live within people, and it is people who give languages life by speaking them. On the other hand, languages give those who speak them the knowledge of who they are… they are Basotho ba Leboa / Bapedi, AmaZulu, Batswana, and so on. People are the living languages they speak… I, you, and all of us are the owners of our living languages.
Batho ke bona maleme a bona.
People are their languages.